Allwch chi ddim bod yr hyn allwch chi mo’i weld!
​
Mae rhaglen Romodels yn mynd â dysgwyr ar daith o archwilio gyrfaoedd a hunanddarganfod.
Yr hyn rydym yn ei wneud
​​Rydym yn partneru gydag ysgolion i gyflwyno ein rhaglen addysg tri cham—'Darganfod, Profi, a Chredu'—i gefnogi dysgwyr 3–12 oed i archwilio ystod amrywiol o gyfleoedd a phosibiliadau gyrfaol, waeth beth yw eu profiadau bywyd eu hunain. Trwy weld Romodels (modelau rôl) go iawn a rhyngweithio â nhw, rydym yn ysbrydoli dysgwyr ifanc i ddod yn wneuthurwyr newid ac yn flaengarwyr y dyfodol.
​Cyflwynir y rhaglen drwy ein Porth Dysgu Romodels dwyieithog, unigryw ar-lein, sy'n cynnwys Romodels Saesneg a Chymraeg.
Ein Pwrpas
​
Rydym yn credu mewn byd lle mae gan bob plentyn y rhyddid i freuddwydio a'r gallu i gyflawni eu llawn botensial.
​
Mae Romodels yn gyfle i roi’r breuddwydion gyrfaol mwyaf i’r lleiaf yn ein plith, a'r wybodaeth, yr arfau a’r hyder i’w gwireddu!
Yr her
Allwch chi ddim bod yr hyn allwch chi mo’i
weld ...
Dim ond dychmygu'r rolau yn eu bywydau o ddydd i ddydd y mae llawer o blant yn ei wneud, nid yr holl bosibiliadau cyffrous mewn byd sy'n newid yn barhaus. Mae dyheadau gyrfaol disgyblion wedi rhewi yn ystod yr ugain mlynedd diwethaf tra bod yr economi wedi newid yn gyflym.
​
Mae stereoteipiau yn lleihau gallu plentyn i freuddwydio...
Erbyn 6 blwydd oed, mae ymchwil yn dangos bod plant yn lleihau eu breuddwydion eu hunain ymhellach o ganlyniad i stereoteipiau ynghylch rhywedd, hil/ethnigrwydd, niwroamrywiaeth neu allu corfforol.
​
Mae amlygiad hwyr a chyfyngedig yn lleihau cyfleoedd.....
Caiff plant yn aml eu hannog i archwilio posibiliadau gyrfaol yn rhy hwyr yn eu bywyd academaidd, yn aml mewn digwyddiadau ‘untro', gyda'r gyrfaoedd a ddangosir iddynt wedi'u cyfyngu i'r rhai sy'n 'draddodiadol' eu natur, a hynny’n aml dan arweiniad gweithwyr proffesiynol nad ydynt yn 'edrych yn debyg’ nac yn 'swnio’n debyg’ iddynt.
​​
Ein datrysiad
Rydym yn trochi myfyrwyr o oedran cynnar ac yn rhoi cyfle iddynt archwilio llu o gyfleoedd gyrfa yn y dyfodol
Rydym yn gwneud hyn trwy gyfrwng porth dysgu arloesol ar-lein sy'n galluogi athrawon i gefnogi dysgwyr yn eu hystafelloedd dosbarth i ddarganfod, profi a chredu mewn dyfodol o bosibiliadau gyrfaol.
​
1.Darganfod: Caiff dysgwyr eu cyflwyno i Romodels (modelau rôl) amrywiol, a chudd yn aml, sy'n cymryd rhan weithredol mewn ystod eang o yrfaoedd, gyda ffocws penodol ar rolau sy'n meithrin creadigrwydd, arloesedd a chynaliadwyedd.
​
2.Profi: Trwy heriau bywyd go iawn a phrosiectau annibynnol, mae dysgwyr yn archwilio gofynion y gyrfaoedd hynny.
​
3.Credu: Trwy fyfyrio ar eu cryfderau a'r wybodaeth am ofynion pob rôl, mae dysgwyr yn adeiladu'r hunangred y gallant "fod fel hyn" yn y dyfodol.
​
Caiff athrawon fynediad i'n rhaglen addysg gyrfaoedd ddwyieithog, gan ddefnyddio offer i ysbrydoli breuddwydion gyrfaol ac archwilio llwybrau gyrfa amrywiol ar gyfer dysgwyr ysgolion cynradd. Fel ysgol bartner rhaglen Romodels, gall athrawon ddefnyddio gwahanol fodelau rôl ar gyfer grwpiau oedran amrywiol a chefnogi disgyblion trwy gydol eu blynyddoedd yn yr ysgol gynradd. Mae hyn yn grymuso athrawon i deilwra taith o archwilio gyrfaoedd yn eu hystafelloedd dosbarth.
​
​
Mae rhaglen Romodels wedi’i chynllunio i godi dyheadau a hunanhyder dysgwyr a gwella hyder athrawon i gynnwys gyrfaoedd yn eu gwersi.
_edited_edited_edited.jpg)
Modelau Rôl go iawn
Does dim rhaid i ysgolion ddatblygu gwybodaeth ddiwydiannol ddofn, gyda'n gilydd gallwn baratoi dysgwyr ar gyfer y dyfodol.
​
-
Mae dysgwyr yn archwilio gyrfaoedd arloesol a datblygol mewn meysydd amrywiol megis yr economi werdd, technoleg a'r diwydiannau creadigol, gan ysbrydoli dyheadau gyrfaol mewn dysgwyr ifanc.
-
Mae modelau rôl yn dod o bob cefndir er mwyn i bob dysgwr allu gweld rhywun y maen nhw'n uniaethu â nhw.
-
Mae Romodels yn helpu dysgwyr i weld eu hunain mewn amrywiol lwybrau proffesiynol, gan annog dyheadau mewn meysydd sydd heb gynrychiolaeth ddigonol a hyrwyddo gweithlu mwy cynhwysol ar gyfer y dyfodol.
Heriau wedi’u teilwra i’r dysgwyr
Gall athrawon ganolbwyntio llai ar gynllunio a mwy ar bersonoli.
​
Trwy borth dysgu dwyieithog ar-lein rhaglen Romodels, mae athrawon yn cefnogi dysgwyr i archwilio gyrfaoedd, i herio stereoteipiau ac i ddarganfod llwybrau gyrfa cudd drwy:​
-
Ddewis heriau trawsgwricwlaidd go iawn ar draws y Celfyddydau Mynegiannol, Iechyd a Lles, y Dyniaethau, Iaith, Llythrennedd a Chyfathrebu, Mathemateg a Rhifedd, a Gwyddoniaeth a Thechnoleg.
-
Personoli a siapio cynnwys i gwrdd â chynnydd unigryw pob dysgwr, gan sicrhau taith ddysgu ddiddorol wedi'i theilwra i'w lefel unigol.
-
Arfogi dysgwyr â'r wybodaeth a'r sgiliau parod ar gyfer y dyfodol sydd eu hangen arnynt i ffynnu, gan ysbrydoli unigolion hyderus, cyfranwyr creadigol, dinasyddion moesegol, a dysgwyr uchelgeisiol sy'n barod i lwyddo.
Gallwn i fod fel hyn
Gall dysgwyr weld eu hunain yn y rôl yn y dyfodol.
​
-
Mae dysgwyr yn meithrin gwytnwch a hunangred trwy gymryd rhan mewn addysg gyrfaoedd ryngweithiol, gan ddod i gysylltiad cynnar â chyfleoedd gyrfaol amrywiol sy'n eu grymuso i ymgymryd â heriau'r dyfodol gyda hyder.
-
Mae heriau, prosiectau annibynnol a chanllawiau myfyrio rhaglen Romodels yn helpu dysgwyr i ddeall eu cryfderau ac i ddatblygu cred ynddynt eu hunain.
-
Mae ein canllawiau ‘Sut i fod yn...’ yn eu helpu i ddeall yr hyn y gallai ei olygu i gyflawni'r rôl honno yn y dyfodol.
​
Ni allwch fod yr hyn nad ydych yn ei weld
Rydym yn mynd â disgyblion ar daith o archwilio gyrfaoedd a hunan-ddarganfod. Mae’n gyfle iddynt ddarganfod Romodels cudd oddi mewn a thu allan i’w cymuned. Mae’n gyfle i roi’r breuddwydion mwyaf i’r rhai lleiaf yn ein plith - a’r wybodaeth, yr offer, a’r credoau i’w gwireddu.
​
